Sulmi në Ibër-Lepenc: 20 kilogramë eksploziv dhe mbi 376 mijë euro dëme

Në Gjykatën Themelore në Prishtinë, të hënën, më 19 tetor, pritet të vazhdojë gjykimi ndaj tre të akuzuarve për sulmin me eksploziv në kanalin e Ibër-Lepencit, në fshatin Varagë të Zubin-Potokut.

Rasti lidhet me përdorimin e rreth 20 kilogramëve eksploziv dhe me dëme që kapin vlerën e mbi 376 mijë eurove. Sulmi në infrastrukturën e Ibër-Lepencit është në qendër të procesit gjyqësor që po zhvillohet në Prishtinë.

Para trupit gjykues pritet të dalin vëllezërit Jovan dhe Dragisha Viqentijeviq, si dhe Igor Dimoviq. Të tre përballen me akuza të ngritura nga Prokuroria Speciale e Republikës së Kosovës.