Zelensky paralajmëron mundësinë e një ofensive të re ruse

Presidenti i Ukrainës, Volodymyr Zelensky, deklaroi se vendi po përgatitet për mundësinë e një ofensive të re ruse në shkallë të gjerë, ndërsa Kievi po merr masa urgjente për përballimin e përshkallëzimit të mundshëm.

Sipas Zelenskyt, autoritetet po punojnë me shpejtësi për zbatimin e masave mbrojtëse dhe për përmbushjen e detyrave prioritare. Këto masa synojnë forcimin e gatishmërisë së Ukrainës përballë një situate të re të mundshme ushtarake.

Paralajmërimi vjen në një kohë kur sulmet ruse ndaj infrastrukturës dhe logjistikës vazhdojnë. Kreu i shtetit ukrainas e lidhi përgatitjen e autoriteteve me nevojën për t’iu kundërvënë çdo përshkallëzimi të mundshëm të sulmeve.