15-vjeçari humb dorën gjatë përleshjeve pranë një shkolle në Francë

Një 15-vjeçar ka humbur dorën gjatë përleshjeve mes policisë dhe protestuesve pranë një shkolle në Lens të Francës. Incidenti ka ndodhur të hënën në mëngjes, në kohën kur protestat e nxënësve po përhapen në të gjithë vendin.

Prefekti i Pas-de-Calais, François-Xavier Lauch, e ka cilësuar ngjarjen si “shumë serioze”. Përplasjet kanë ndodhur pranë shkollës, mes policisë dhe protestuesve.

Protestat e nxënësve janë shtrirë në disa pjesë të Francës, ndërsa incidenti në Lens përbën pasojën më të rëndë të konfirmuar deri tani në këtë zhvillim.