Apeli vërteton vendimin: 24 vjet burg për vrasjen e dyfishtë në Vushtrri

Sipas njoftimit paraprak, Gjykata e Apelit ka vërtetuar vendimin e Gjykatës Themelore, duke lënë në fuqi dënimin unik 24 vjet burgim për Jetmir Sinanin lidhur me vrasjen e dyfishtë në Vushtrri.

Sinani akuzohej për vrasjen e F.Z. dhe L.M., më 2023 në Vushtrri; në rigjykim, më 1 dhjetor 2025, Gjykata Themelore në Mitrovicë e shpalli fajtor.

Kundër vendimit kishin parashtruar ankesë Prokuroria Speciale, përfaqësues të palëve të dëmtuara dhe mbrojtësi i të akuzuarit. Apeli vlerësoi se aktgjykimi i Themelores nuk përmbante shkelje esenciale të dispozitave të procedurës penale dhe, duke refuzuar ankesat, la vendimin në fuqi.