Cisterna me mbi dy milionë fuçi naftë përfshihet nga flakët në Hormuz

Një cisternë që transportonte më shumë se dy milionë fuçi naftë bruto është përfshirë nga flakët në Ngushticën e Hormuzit. Anija dyshohet se ka goditur një minë, sipas raportimeve nga Irani.

Ngjarja ka ndodhur derisa cisterna po përpiqej të kalonte nëpër ngushticë. Shkaku i incidentit paraqitet si dyshim, ndërsa detajet për rrethanat e përplasjes mbeten të kufizuara.

Sipas Gardës Revolucionare të Iranit, anija po tentonte të kalonte në mënyrë të paligjshme dhe po ndiqte një itinerar që nuk ishte miratuar nga autoritetet iraniane.