Tërmet 7.7 në Indonezi, ekipet e shpëtimit gjejnë 20 të vdekur

Të paktën 20 persona vdiqën pas një tërmeti me magnitudë 7.7 që goditi Indonezinë lindore, tha Fathur Rahman, kreu i agjencisë së shpëtimit të qytetit.

Ekipet e shpëtimit rreth qytetit portual Maumere gjetën 20 të vdekur, gjashtë të plagosur dhe dy persona të bllokuar nën rrënoja, shtoi Rahman.

Tërmeti u pasua nga dhjetëra lëkundje pasuese, ndërsa rrëshqitjet e dheut bllokuan rrugët dhe penguan qasjen për ekipet e shpëtimit në zonat më të prekura.

Ekipet ende nuk kanë arritur në Nagekeo, rajonin më të afërt me epiqendrën, dhe sinjalet e komunikimit atje u prekën, tha Rahman.

Rahman tha gjithashtu se përpjekjet për të arritur me makinë u bllokuan nga rrëshqitjet dhe se një ekip po përpiqej të shkonte me traget për të dërguar ndihma dhe për të vijuar kërkim-shpëtimin.