Sulm me mjet të mprehtë në Aeroportin ‘Adem Jashari’, viktima dërgohet për trajtim, arrestohet i dyshuari

Sipas Policisë së Kosovës, më 14 gusht 2026 rreth orës 14:32 një person u sulmua me një mjet të mprehtë në Aeroportin Ndërkombëtar “Adem Jashari”. Ngjarja ka ndodhur pas një mosmarrëveshjeje, ndërsa viktima është dërguar për trajtim mjekësor.

I dyshuari është arrestuar nga policia. Pas intervistimit dhe me vendim të prokurorit, i dyshuari është dërguar në mbajtje, thuhet në njoftimin e policisë.

Rasti po hetohet nga Policia e Kosovës për të sqaruar rrethanat e incidentit dhe për të përcaktuar hapat e mëtejshëm hetimorë.