Aksion antidrogë në Sarandë, arrestohen 20 persona dhe sekuestrohen drogë, armë e para

Një aksion i madh antidrogë është zhvilluar në Sarandë, ku Policia shqiptare ka arrestuar dhe ndaluar 20 persona. Operacioni është zhvilluar pas një hetimi që kishte zgjatur rreth dy muaj.

Aksioni, i koduar “Vjeshta”, u realizua nga Policia në bashkëpunim me Prokurorinë e Sarandës. Gjatë operacionit janë sekuestruar kokainë, kanabis, armë dhe para.

Për 20 të dyshuarit, Gjykata kishte caktuar masën e sigurisë “arrest në burg”. Hetimet dhe procedurat për rastin po zhvillohen nga autoritetet përkatëse.