Apeli ia ndryshon masën Jozefin Markut, këngëtari reagon me mesazh

Gjykata e Apelit ka ndryshuar masën e sigurisë ndaj këngëtarit Jozefin Marku, duke e lënë atë në “detyrim paraqitje”. Vendimi përbën zhvillimin e fundit në rastin që lidhet me këngëtarin.

Pas vendimit, Marku publikoi në Instagram një fotografi të tij, të shoqëruar me një mesazh personal. Në të, ai thotë se edhe në momentet e vështira vazhdon të ecë përpara.

“Ka një diell që m’shoqnon kudo”, shkroi këngëtari në reagimin e publikuar në Instastory. Mesazhi i tij shoqërohej me një fotografi dhe u publikua pas ndryshimit të masës së sigurisë nga Gjykata e Apelit.