Britaniku del para gjykatës në Londër për akuzat për sabotazh

Një 31-vjeçar nga Swindon i Anglisë është paraqitur në gjykatë në Londër, nën akuzën se ka ndihmuar një grup të lidhur me inteligjencën ushtarake ruse në planifikimin e sabotimit të fabrikave të dronëve.

Personi është identifikuar si Joshua Cammidge. Ai akuzohet se ka ndihmuar një shërbim të huaj inteligjence, si dhe se ka kryer veprime përgatitore për sabotazh.

Akuzat ndaj tij janë ngritur në bazë të Ligjit britanik për Sigurinë Kombëtare. Çështja lidhet me dyshimin se ai ka ndihmuar inteligjencën ruse në përgatitjen e një plani kundër fabrikave të prodhimit të dronëve.