Dhuna përshkallëzohet në Francë: 1,200 të arrestuar, 150 policë të lënduar

Protestat në Francë janë përshkallëzuar në përplasje të dhunshme, me të paktën 1,200 persona të arrestuar dhe 150 policë të lënduar. Tubimet lidhen me vështirësitë në arsim dhe rritjen e kostos së jetesës.

Përveç përplasjeve, gjatë protestave janë raportuar zjarrvënie dhe dëme të mëdha materiale. Përmasat e dhunës kanë shoqëruar një valë të gjerë pakënaqësie në rrugët e Francës.

Sipas të dhënave të raportuara nga autoritetet franceze, rreth 550 mijë persona dolën në rrugë gjatë protestave të së shtunës. Numri i madh i pjesëmarrësve dhe arrestimeve e ka kthyer protestën në një nga zhvillimet kryesore të sigurisë në vend.