Dokumenti që i hap rrugë pagesës prej 49,498 eurosh në Prishtinë

Një dokument i datës 31 gusht 2026 i hap rrugë procedimit të një fature prej 49,498.59 eurosh në Komunën e Prishtinës. Në konstatim thuhet se shërbimet për muajin gusht janë kryer në rregull dhe se pagesa mund të procedohet.

Fatura mban numrin 121/26 dhe i përket kompanisë “E-Commerce Kosova” Sh.P.K. Dokumenti i është drejtuar Drejtorisë së Financave përmes Drejtorisë së Administratës, duke e lidhur pagesën me shërbimet e mirëmbajtjes dhe pastrimit të objekteve komunale.

Si dërguese e konstatimit figuron Gëzime Pacolli, në cilësinë e menaxheres së kontratës. Dokumenti është nënshkruar edhe nga Donat Abazi, i cili figuron si mbikëqyrës i kontratës.

Konstatimi mbështetet në vendimin e Komunës së Prishtinës të 25 qershorit 2025 për menaxhimin e kontratës “Mirëmbajtja dhe pastrimi i objekteve komunale”. Vendimi mban nënshkrimin e kryetarit Përparim Rama.