Haziri: Asnjë deputet nuk del pa u votuar ligji

Organizatori i protestës “Jo në emrin tim”, Çlirim Haziri, tha para dyerve të Kuvendit të Kosovës se asnjë deputet nuk duhet të largohet nga seanca pa e votuar ligjin për Dhomat e Specializuara.

Haziri kërkoi që të votohet ligji, për të cilin tha se synon kthimin e dinjitetit të Ushtrisë Çlirimtare të Kosovës dhe që drejtësia të shkojë në vend.

Sipas deklaratës së tij, protestuesit kanë qëndruar para Kuvendit për 20 ditë e 20 net, në mbështetje të UÇK-së, të atyre që ai i përmendi si heronj dhe të personave që po mbahen në Hagë.

Haziri deklaroi se protesta do të vazhdojë deri në votimin e ndryshimeve në ligj. Ai falënderoi qytetarët që, sipas tij, kanë qëndruar para Kuvendit edhe gjatë gjithë natës.