Nga mashtrimi në shantazh, ndalohet 58-vjeçari në Prishtinë

Një rast i hapur fillimisht si mashtrim në Prishtinë ka marrë tjetër drejtim pas hetimeve dhe tashmë po trajtohet si shantazh. Në kuadër të rastit është ndaluar një 58-vjeçar, ndërsa dyshohet se viktima është mbajtur nën presion për vite dhe se i janë marrë deri në 16 mijë euro.

Sipas deklarimit të viktimës, A.M., gjatë periudhës 2023-2025 ajo ishte vënë nën presion nga Halit Haliti, 58-vjeçar. Ai dyshohet se pretendonte se posedonte fotografi që mund t’ia shkatërronin jetën familjare dhe martesore.

Rasti, i cili fillimisht ishte regjistruar si mashtrim, është rikualifikuar pas hetimeve në Prishtinë dhe po trajtohet si shantazh. Ndalimi i 58-vjeçarit lidhet me dyshimet për presionin e ushtruar ndaj viktimës dhe pagesat e dhëna gjatë kësaj periudhe.