Paralajmërimi për Vance: Lufta me Iranin po pakëson rezervat Patriot

Zëvendëspresidenti amerikan JD Vance ka kërkuar vlerësime të drejtpërdrejta nga komandantët ushtarakë lidhur me zhvillimet në luftën me Iranin, ndërsa informacionet e marra në takimet private kanë qenë më shqetësuese se mesazhi publik i administratës amerikane.

Komandantët i kanë thënë Vance se konflikti po konsumon me shpejtësi rezerva të rëndësishme të armatimit amerikan. Në veçanti, bëhet fjalë për interceptuesit e sistemeve Patriot dhe raketat me rreze të gjatë veprimi.

Vlerësimet për gjendjen e rezervave të armëve janë dhënë gjatë diskutimeve të drejtpërdrejta të Vance me drejtuesit ushtarakë. Zëvendëspresidenti ka kërkuar të marrë prej tyre një pasqyrë të zhvillimeve në terren, përtej mesazheve publike të administratës.