Protestuesit bllokojnë rrugën në Tiranë, shoqërohen disa prej tyre

Protestuesit në Tiranë janë zhvendosur sërish dhe gjatë marshimit kanë bllokuar rrugën, duke përmbysur koshat e mbeturinave. Disa prej tyre janë shoqëruar pas ndërhyrjes së policisë.

Sipas zhvillimit të raportuar nga vendngjarja, protestuesit janë larguar nga bulevardi ku ndodheshin pak më parë dhe kanë vazhduar marshimin në një tjetër pjesë të rrugës.

Gjatë lëvizjes, ata janë përballur me kordonin e policisë. Policia ka ndërhyrë dhe ka shoqëruar disa nga protestuesit që bllokuan rrugën.