Rama reagon pas vezëve në Nju Jork: “Pula histerike”

Kryeministri i Shqipërisë, Edi Rama, ka reaguar pas protestës në Nju Jork, ku në drejtim të tij janë hedhur vezë gjatë vizitës për punimet e Asamblesë së Përgjithshme të Kombeve të Bashkuara.

Reagimi i Ramës u bë përmes një postimi në platformën X. Duke iu drejtuar protestuesve, ai përdori shprehjen “pula histerike” dhe tha se flamurin shqiptar e ka ngritur “më lart se kurrë” në sytë e botës.

Protesta u zhvillua gjatë qëndrimit të Ramës në Shtetet e Bashkuara, ku ai po merr pjesë në punimet e Asamblesë së Përgjithshme të Kombeve të Bashkuara. Sipas raportimeve, në protestë morën pjesë disa aktivistë shqiptarë.