Shqiptarët ndër më të lidhurat në Evropë: 24.6% takohen çdo ditë

Rreth 24.6% e qytetarëve shqiptarë takohen me familjarë ose miq çdo ditë; sipas të dhënave të Eurostat, ky nivel vendos shoqërinë shqiptare ndër më të lidhurat në Evropë.

Të dhënat pasqyrojnë një strukturë tradicionale sociale, ku kontaktet e përditshme me familjen dhe miqtë konsiderohen shtylla të rëndësishme të jetës shoqërore.

Në krahasim, Qiproja kryeson me 48.1%, ndërsa Sllovakia shfaq 29.1% dhe Kroacia 26.9%, sipas të njëjtave të dhëna.

Raporti thekson se këto kontakte të përditshme funksionojnë si baza e stabilitetit emocional dhe e mbështetjes së ndërsjellë brenda komuniteteve.