Zgjerohet hetimi në Mitrovicë: një i arrestuar, tjetri në arrati pas të shtënave

Hetimi për shkëmbimin e zjarrit në një objekt banesor pranë Sheshit “Isa Boletini” në Mitrovicë është zgjeruar: Policia ka identifikuar dy të dyshuar të tjerë, duke e çuar në katër numrin e personave të përfshirë në hetimin për vrasje në tentativë; njëri është arrestuar, tjetri është në arrati.

I identifikuari i tretë është Valon Hyseni, rreth 29 vjeç, i cili është paraqitur në Polici dhe është ndaluar për 48 orë. Personi i katërt, i identifikuar si Valton Hyseni, nuk është gjetur dhe aktualisht ndodhet në kërkim policor.

Rasti lidhët me të shtënat më 9 gusht rreth orës 15:30 në zonën e Sheshit “Isa Boletini”. Në vendngjarje autoritetet konstatuan vrima nga predhat dhe gjurmë që ngrejnë dyshime për një përballje me armë nga dy anë.

Hetimi për vrasje në tentativë vazhdon, ndërsa Policia po zhvillon veprimet hetimore dhe kërkimet për personin e shpallur në arrati. Rasti mbetet nën hetim dhe priten zhvillime të mëtejshme.