Zjarri përfshin tri vetura dhe një pjesë të shtëpisë në Prishtinë

Tri vetura dhe një pjesë e një shtëpie janë përfshirë nga zjarri në rrugën “Selman Lokaj” në Prishtinë, në një rast që Policia e Kosovës e ka regjistruar si shkaktim të rrezikut të përgjithshëm.

Sipas të dhënave të policisë, ngjarja ka ndodhur më 25 gusht 2026, rreth orës 01:10. Rrethanat në të cilat ka nisur zjarri mbeten të panjohura.

Njësitë relevante kanë dalë në vendin e ngjarjes, ndërsa zjarrfikësit kanë arritur ta lokalizojnë zjarrin. Përveç dëmeve materiale, nuk është raportuar për persona të lënduar. Rasti është duke u hetuar.