3,775 raste të reja kanceri në Kosovë gjatë vitit 2025

Gjatë vitit 2025 në Kosovë janë regjistruar 3,775 raste të reja me kancer, sipas të dhënave të publikuara nga Agjencia e Statistikave të Kosovës. Tumoret malinje të organeve të tretjes rezultuan të jenë lloji i kancerit me numrin më të madh të rasteve të reja.

Nga numri i përgjithshëm i rasteve, 1,927 janë regjistruar te gratë, ndërsa 1,848 te burrat. Të dhënat paraqesin pasqyrën e rasteve të reja të raportuara gjatë gjithë vitit 2025.

Grupmosha 65 deri në 69 vjeç u prek më së shumti nga sëmundjet malinje dhe beninje. Shifrat tregojnë se tumoret malinje të organeve të tretjes kryesuan rastet e reja të kancerit në Kosovë gjatë këtij viti.