Përfundon gjykimi ndaj Vullnet Gashit për aksidentin fatal në Prishtinë

Në Gjykatën Themelore në Prishtinë është mbajtur seanca përfundimtare ndaj Vullnet Gashit, i akuzuar për rrezikim të trafikut publik me pasojë vdekjen e këmbësorit Ferhat Bejtullahu. Gashi akuzohet se voziti pa patentë dhe shkaktoi aksidentin fatal.

Gjatë seancës së sotme, palët në procedurë kanë paraqitur fjalët e tyre përfundimtare. Me këtë veprim është përmbyllur shqyrtimi gjyqësor në këtë çështje penale.

Rasti po shqyrtohet në Departamentin e Përgjithshëm, Divizionin Penal të kësaj gjykate, me gjyqtarin Driton Berisha. Pas përfundimit të seancës, Vullnet Gashi pret vendimin për akuzat që lidhen me aksidentin fatal dhe vdekjen e këmbësorit.