Ellis: Aktgjykimi i Speciales mund të bëhet precedent ndërkombëtar

Aktgjykimi në rastin ndaj Hashim Thaçit, Kadri Veselit, Rexhep Selimit dhe Jakup Krasniqit mund të bëhet precedent për drejtësinë ndërkombëtare dhe të ketë peshë përtej fatit juridik të katër të akuzuarve.

Mark Ellis, njohës i çështjeve ligjore, thotë se vendimi mund të ndihmojë në përcaktimin e kufijve të ndërmarrjes së përbashkët kriminale dhe të përgjegjësisë komanduese kur bëhet fjalë për udhëheqës të lartë.

Sipas vlerësimit të Ellisit, rëndësia e aktgjykimit lidhet me ndikimin që mund të ketë në drejtësinë ndërkombëtare. Vendimi, në këtë kuadër, mund të shërbejë si pikë referimi për mënyrën se si trajtohen përgjegjësia dhe roli i udhëheqësve të lartë në raste të ngjashme.