Një grua gjendet e vdekur në Fushë Kosovë, nis hetimi

Një grua është gjetur e vdekur në Fushë Kosovë pasditen e 11 shtatorit, ndërsa policia ka nisur hetimet për rrethanat e rastit. Sipas të dhënave të publikuara, rasti është raportuar rreth orës 19:57.

Policia tha se ishte njoftuar për një grua të shtrirë në tokë. Njësitë policore, së bashku me ekipin mjekësor, kanë dalë në vendngjarje, ku është konfirmuar vdekja e saj.

Trupi i pajetë është dërguar në Institutin e Mjekësisë Ligjore për procedurat e mëtejshme. Rasti është cilësuar si hetim mbi vdekjen, ndërsa hetimet për rrethanat e ngjarjes janë në zhvillim.