KDI dhe IKD kërkojnë pezullimin e punës së Kuvendit

KDI dhe IKD kanë kërkuar që Gjykata Kushtetuese ta pezullojë punën e Kuvendit, pasi konstituimi i tij pa zgjedhjen e njërit prej nënkryetarëve, atij nga PDK-ja, mund të përbëjë shkelje kushtetuese.

Çështja lidhet me konstatimin e kryeparlamentares Albulena Haxhiu se Kuvendi është i konstituuar. Sipas KDI-së dhe IKD-së, ky konstatim mund të bëhet objekt i vlerësimit nga Gjykata Kushtetuese dhe të cilësohet si shkelje kushtetuese për shkak të mungesës së njërit prej nënkryetarëve.

Vullnet Bugaqku, ekspert nga zyra ligjore e Institutit Demokratik të Kosovës, thotë se në një rast të tillë zgjedhja e nënkryetarëve do të kthehej në pikën zero. Kërkesa e KDI-së dhe IKD-së vjen në kuadër të debatit për vlefshmërinë kushtetuese të konstituimit dhe për vazhdimin e punës së Kuvendit.