Abdixhiku mbledh kryesinë e LDK-së pas marrëveshjes me Kurtin

Kryetari i Lidhjes Demokratike të Kosovës, Lumir Abdixhiku, po zhvillon takim me kryesinë e partisë, një ditë pasi u dakordua me kryeministrin në detyrë dhe kryetarin e Lëvizjes Vetëvendosje, Albin Kurtin, që Bekim Sejdiu të jetë kandidat i përbashkët për president.

Mbledhja po mbahet në selinë e LDK-së dhe vjen pas marrëveshjes së arritur mes Abdixhikut dhe Kurtit për kandidaturën presidenciale të Sejdiut. Takimi i kryesisë është zhvillimi i radhës brenda partisë pas këtij dakordimi.

Pas përfundimit të mbledhjes së kryesisë, pritet të mblidhet edhe Grupi Parlamentar i LDK-së. Në këto dy takime do të diskutohet kandidatura e përbashkët për president dhe hapat e mëtejshëm të partisë lidhur me të.