Aktakuzë në mungesë ndaj 35 të akuzuarve për sulmin në Prekaz

Prokuroria Speciale e Republikës së Kosovës ka ngritur aktakuzë në mungesë ndaj 35 ish-zyrtarëve dhe komandantëve të lartë serbë për krime lufte kundër popullsisë civile gjatë sulmit në lagjen e Jasharëve, në Prekaz të Skenderajt.

Sipas aktakuzës, të akuzuarit lidhen me sulmin e zhvilluar më 5, 6 dhe 7 mars 1998. Dokumenti u përpilua më 4 shtator 2026 dhe përfshin përgjegjësi për planifikimin, organizimin, koordinimin dhe drejtimin e një operacioni ushtarako-policor.

Prokuroria i ngarkon të pandehurit se operacioni rezultoi me vrasjen e civilëve, përfshirë fëmijë, gra dhe të moshuar. Në aktakuzë përfshihen edhe marrja peng dhe torturimi i civilëve.

Dokumenti përmend gjithashtu shkatërrimin e infrastrukturës civile në lagjen e Jasharëve. Aktakuza është ngritur në mungesë ndaj të gjithë 35 të pandehurve.