Gjendet thika e dyshuar në vrasjen e turistit portugez në Ksamil

Policia e Sarandës ka gjetur në Ksamil thikën që dyshohet se është përdorur në vrasjen e turistit portugez. Zbulimi përbën një zhvillim të ri në hetimin e ngjarjes.

Raportohet se thika ishte hedhur në një zonë me shkurre, përgjatë një rruge rurale në periferi të Ksamilit. Gjetja e saj erdhi pas dëshmisë së DJ-it të lokalit “Principote”, ku kishte ndodhur ngjarja.

Sipas informacionit të bërë publik, dëshmia ndihmoi policinë të përcaktonte vendin ku dyshohej se ishte hedhur thika. Policia e Sarandës po e trajton atë si provë të dyshuar në rastin e vrasjes së turistit portugez.