Inspektorati urdhëroi mbylljen e hotelit pranë Liqenit të Radoniqit, por objekti vazhdon punën

Sipas ministres në detyrë të Mjedisit, Fitore Pacolli, Inspektorati i Mjedisit ka urdhëruar mbylljen e hotelit dhe restorantit “Liqeni i Dukagjinit” pranë Liqenit të Radoniqit për shkak të shkeljeve të pretenduara të legjislacionit mjedisor. Megjithatë, objekti vazhdon të kryejë aktivitetin e tij të përditshëm.

Menaxheri i hotelit, Festim Xharavina, deklaroi se nuk i është dorëzuar asnjë vendim apo dokument zyrtar që urdhëron ndërprerjen e punës dhe se shërbimet po ofrohen normalisht për klientët.

Xharavina tha se ata besojnë se mund të ketë pasur një keqkuptim midis Ministrisë së Mjedisit dhe KRU Radoniqi, të cilët sipas tij mund të jenë kontraktorët e çështjes. Ai shprehu shpresën që paqartësia të sqarohen dhe informimi publik të përditësohet.

Derisa ministria njoftoi për urdhër mbylljeje, pronari dhe menaxhmenti insistojnë se puna vazhdon për momentin, pasi nuk kanë marrë ndonjë vendim të dorëzuar zyrtarisht që ndalon aktivitetin.