Mbi 5.5 kilogramë drogë dhe armë konfiskohen në Ferizaj, kërkohet paraburgimi

Mbi 5.5 kilogramë substanca narkotike dhe armë janë konfiskuar në Ferizaj, ndërsa Prokuroria Themelore në Ferizaj ka kërkuar caktimin e masës së paraburgimit ndaj dy personave të dyshuar.

Kërkesa i është dorëzuar Gjykatës Themelore në Ferizaj. Dy të dyshuarit po hetohen për vepra penale që lidhen me narkotikët dhe armëmbajtjen pa leje.

Sipas të dhënave të rastit, të dyshuarit janë F.D., shtetas i Shqipërisë, dhe E.D., shtetas i Kosovës. Prokuroria ka kërkuar që ndaj tyre të caktohet masa e paraburgimit, ndërsa vendimi për kërkesën i takon Gjykatës Themelore në Ferizaj.