Moti nesër në Kosovë: diell në mëngjes, shi e bubullima pasdite

Moti të mërkurën në Kosovë do të jetë kryesisht me diell dhe me vranësira të pakta gjatë mëngjesit. Megjithatë, gjatë pjesës së dytë të ditës pritet shtim i vranësirave.

Sipas parashikimit të Institutit Hidrometeorologjik të Kosovës, lokalisht priten reshje shiu, të shoqëruara edhe me shkarkime rrufesh.

Ndryshimi i motit pritet të shfaqet pasditen e së mërkurës, ndaj dita do të nisë me kushte më të qëndrueshme, por më vonë mund të ketë shi dhe bubullima në zona të caktuara.