Nis aksioni në furrat e Kosovës për kontrollin e peshës së bukës

Agjencia e Metrologjisë së Kosovës dhe Inspektorati Qendror i Mbikëqyrjes së Tregut kanë nisur aksionin për kontrollin e peshës së bukës dhe verifikimin e vlefshmërisë së peshoreve në furrat e Kosovës.

Inspektimet kanë filluar në rajonin e Prishtinës, ndërsa në ditët në vijim pritet të shtrihen edhe në komunat e tjera të vendit. Aksioni përfshin furrat e bukës në të gjithë Kosovën.

Gjatë kontrolleve po mbikëqyret pesha e bukës, ndërsa zyrtarët po verifikojnë nëse peshoret e përdorura në furra janë të vlefshme. Në këtë mënyrë, kontrollet synojnë të përfshijnë si produktin e shitur, ashtu edhe pajisjet e matjes që përdoren gjatë shitjes.