Një person gjendet pa shenja jete në rrugën Agim Ramadani

Një person është gjetur pa shenja jete në rrugën Agim Ramadani në Prishtinë, ndërsa rasti është konfirmuar nga zëdhënësja e Policisë së Kosovës për rajonin e Prishtinës, Flora Ahmeti.

Sipas njoftimit të Policisë, rasti është raportuar rreth orës 20:00. Pas marrjes së informacionit, zyrtarët policorë kanë dalë në vendin e ngjarjes, ku janë ftuar edhe ekipet mjekësore emergjente.

Ekipet emergjente kanë konstatuar vdekjen e viktimës, e cila ishte mashkull. Policia ka bërë të ditur se po punon për sqarimin e rrethanave të rastit.