Pronari i “LIT” mohon se 23-vjeçari u plagos brenda diskotekës

Pronari i diskotekës “LIT” në Prishtinë ka mohuar se plagosja me armë zjarri e një 23-vjeçari ka ndodhur brenda lokalit. Ai ka thënë se ngjarja ka ndodhur jashtë perimetrit të diskotekës.

Sipas pronarit, në momentin e plagosjes klientët tashmë kishin dalë nga diskoteka, ndërsa A.B. ka qenë personi i fundit që ka dalë. Ai ka deklaruar se dy personat e dyshuar e kanë pritur 23-vjeçarin jashtë perimetrit të “LIT”.

Pronari ka dhënë versionin e tij për incidentin pas raportimit për plagosjen në Prishtinë, duke kundërshtuar pretendimin se ajo ka ndodhur brenda lokalit. Sipas tij, vendi ku pretendohet se kanë qëndruar personat e dyshuar ndodhet jashtë perimetrit të diskotekës.