Sot shpallet aktgjykimi për Pal Lekajn në rastin “53-milionëshi”

Gjykata Themelore në Prishtinë pritet ta shpallë sot aktgjykimin ndaj ish-ministrit të Infrastrukturës, Pal Lekaj, dhe tre të akuzuarve të tjerë në rastin e njohur si “53-milionëshi”. Vendimi vjen pas rigjykimit të kësaj çështjeje.

Përveç Lekajt, në këtë proces gjyqësor akuzohen edhe ish-këshilltari i tij politik, Eset Berisha, ish-sekretari i Përgjithshëm i Ministrisë së Infrastrukturës, Nebih Shatri, si dhe ish-drejtori i Prokurimit Publik në këtë ministri, Besim Tahiri.

Aktgjykimi i pritshëm do të përcaktojë epilogun e këtij rigjykimi për katër të akuzuarit. Rasti është rikthyer për shqyrtim gjyqësor, ndërsa seanca e sotme pritet të sjellë vendimin e Gjykatës Themelore në Prishtinë.