Lir Veseli merr pjesë në protestën e studentëve në Prishtinë

Studentët e Universitetit të Prishtinës kanë protestuar sot kundër vendimit të Gjykatës Speciale në Hagë ndaj ish-krerëve të Ushtrisë Çlirimtare të Kosovës. Në mesin e protestuesve ishte edhe Lir Veseli, djali i Kadri Veselit.

Kadri Veseli është njëri prej ish-krerëve të UÇK-së të përfshirë në procesin gjyqësor në Hagë. Pjesëmarrja e të birit të tij e lidhi protestën studentore edhe me familjarët e personave që po përballen me këtë proces.

Protestat kundër vendimit po zhvillohen në Prishtinë nën moton “Jo në emrin tim”. Në to po marrin pjesë studentë, qytetarë, veteranë, artistë dhe figura të ndryshme publike.